എടത്വ : ചക്കുളത്തുകാവ് ശ്രീഭഗവതി ക്ഷേത്രത്തിൽ ആഞ്ജനേയോത്സവം ഏപ്രിൽ 20-ന് സമാപിക്കും. എല്ലാ ദിവസവും പുലർച്ചെ 5 ന് നിർമ്മാല്യ ദർശനവും തുടർന്ന് അഷ്ടദ്രവ്യ മഹാഗണപതിഹോമം, വിശേഷാൽ പൂജകൾ, കലശപൂജ, അഭിഷേകം, പന്തീരടി പൂജ, രാമായണ പാരായണം, പ്രഭാഷണങ്ങൾ, എന്നിവയും നടക്കും.
ആദ്യ വെളളിയാഴ്ച ദിവസമായ ഇന്ന് രാവിലെ വിശേഷാൽ പൂജകളും തുടർന്ന് ഔഷധജല വിതരണം, വിളിച്ചു ചൊല്ലി പ്രാർത്ഥന, മദ്യവിരുദ്ധ സത്യ പ്രതിജ്ഞാ തുടങ്ങിയ ചടങ്ങുകൾ നടന്നു. സമാപന ദിവസമായ 20 ന് രാവിലെ 10.30 അഭിഷേകം, വിശേഷാൽ പൂജ, എഴുന്നെള്ളിപ്പ്, മംഗളാരതി എന്നിവ നടക്കുമെന്ന് ക്ഷേത്രം ട്രെസ്റ്റ് അറിയിച്ചു.
