ന്യൂഡൽഹി : ഡൽഹി മദ്യനയ അഴിമതിക്കേസിൽ ബി.ആർ.എസ് നേതാവ് കെ.കവിതയ്ക്ക് സുപ്രീം കോടതി ജാമ്യം അനുവദിച്ചു.ഹൈദരാബാദിലെ ബന്ജാര ഹില്സിലുള്ള വസതിയില്നിന്ന് മാര്ച്ച് 15-നാണ് ഇ.ഡി. കവിതയെ കസ്റ്റഡിയിലെടുത്തത്. സാക്ഷികളെ സ്വാധീനിക്കാൻ ശ്രമിക്കരുതെന്നും 10 ലക്ഷം രൂപ ബോണ്ട് സമർപ്പിക്കണമെന്നും കോടതി നിർദേശമുണ്ട് .ജസ്റ്റിസുമാരായ ബി.ആർ.ഗവായ്, കെ.വി.വിശ്വനാഥൻ എന്നിവരടങ്ങിയ ബെഞ്ചാണ് ജാമ്യം അനുവദിച്ചത് .
ഡല്ഹിയില് പുതിയ മദ്യനയം കൊണ്ടുവരുന്നതുമായി ബന്ധപ്പെട്ട് ഭരണപാര്ട്ടിയായ ആംആദ്മിക്ക് 100 കോടി നല്കിയ സൗത്ത് ഗ്രൂപ്പ് എന്ന വ്യവസായ സംഘത്തിൽ കെ.കവിതയും ഉൾപ്പെട്ടിട്ടുണ്ടെന്നാണ് അന്വേഷണ ഏജൻസികളുടെ കണ്ടെത്തൽ. ഇതുമായി ബന്ധപ്പെട്ട് ഇ.ഡിയും പിന്നാലെ സിബിഐ യും കേസെടുത്ത് അറസ്റ്റ് ചെയ്യുകയായിരുന്നു.
