തിരുവല്ല: എം സി റോഡിൽ കുറ്റൂർ ബി എസ് എൻ എൽ ജംഗ്ഷനു സമീപം ലോറിയും കാറു കൂട്ടിയിടിച്ച് കാർ ഡ്രൈവർക്ക് പരിക്കേറ്റു. തിരുവല്ല ഭാഗത്തുനിന്നു ചെങ്ങന്നൂർ ഭാഗത്തേക്ക് പോയ കർണാടക നാഷണൽ പെർമ്മിറ്റ് ലോറിയും, ചെങ്ങന്നൂർ ഭാഗത്തുനിന്നു തിരുവല്ല ഭാഗത്തേക്ക് വന്ന കാറും കൂട്ടിയിടിക്കുക ആയിരുന്നു. ഇടിയുടെ ആഘാതത്തിൽ കാറിൻ്റെ മുൻഭാഗം പൂർണമായും തകർന്നു. ഇന്ന് ഉച്ചക്ക് 12.30 ആയിരുന്നു സംഭവം.
അപകടത്തിൽ കാറിൽ കുടുങ്ങിയ ഡ്രൈവറെ ഓടികൂടിയ നാട്ടുകാർ ചേർന്ന് പുറത്തിറക്കി. സംഭവത്തെ തുടർന്ന് എം സി റോഡിൽ ഒരു മണിക്കൂറോളം ഗതാഗതം തടസപ്പെട്ടു. തിരുവല്ലാ പോലീസും ഫയർഫോഴ്സും സ്ഥലത്ത് എത്തി ഗതാഗതം പുന:സ്ഥാപിച്ചു.
