എഡിജിപി പി.വിജയന് രാഷ്ട്രപതിയുടെ പൊലീസ് മെഡൽ : അഗ്നിരക്ഷാ സേനയിൽ 2 പേർക്കും ബഹുമതി

ന്യൂഡൽഹി : പോലീസ് സേനയിലെ വിശിഷ്ട സേവനത്തിനുള്ള രാഷ്ട്രപതിയുടെ മെഡല്‍ എ.ഡി.ജി.പി. പി. വിജയന്. അഗ്നിരക്ഷാ സേനയിൽ അസിസ്റ്റൻ്റ് സ്റ്റേഷൻ ഓഫീസർ മധുസൂദൻ നായർ, സീനിയർ ഫയ‍ർ ആൻ്റ് റെസ്ക്യു ഓഫീസ‍ർ രാജേന്ദ്രൻ നായർ എന്നിവർക്കും വിശിഷ്‌ട സേവനത്തിനുള്ള ബഹുമതി ലഭിച്ചു. സ്തുത്യർഹ സേവനത്തിന് പൊലീസ് സേനയിലെ 10 പേർക്കും അഗ്നിരക്ഷാ സേനയിലെയും ജയില്‍ വകുപ്പിലെയും അഞ്ചു പേര്‍ക്കു വീതവും രാഷ്ട്രപതിയുടെ മെഡല്‍ ലഭിച്ചു.