ആലപ്പുഴ: ജില്ലാ എംപ്ലോയ്‌മെന്റ് എക്‌സ്‌ചേഞ്ച്, എംപ്ലോയബിലിറ്റി സെന്റര്‍, നാഷണല്‍ കരിയര്‍ സര്‍വ്വീസ്, ചേര്‍ത്തല എസ് എന്‍ കോളേജ് എന്നിവയുടെ സംയുക്താഭിമുഖ്യത്തില്‍ ‘പ്രയുക്തി 2025’ മെഗാതൊഴില്‍ മേള സംഘടിപ്പിച്ചു. ചേര്‍ത്തല എസ് എന്‍ കോളേജില്‍ നടന്ന തൊഴില്‍മേളയുടെ ഉദ്ഘാടനം ദലീമ ജോജോ എംഎല്‍എ നിര്‍വ്വഹിച്ചു.
40 തൊഴിൽദായകരും 786 തൊഴിലന്വേഷകരും പങ്കെടുത്ത മേളയിൽ 228 പേർക്ക് പ്ലേസ്മെൻ്റ് ലഭിച്ചു. 341 ഉദ്യോഗാർഥികളെ ഷോർട്ട് ലിസ്റ്റ് ചെയ്തു. ഉദ്ഘാടന പരിപാടിയിൽ ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി അധ്യക്ഷയായി.
