കോഴഞ്ചേരി : ജില്ലയിൽ ഇതാദ്യമായി ഷിഗെല്ല രോഗം സ്ഥിരീകരിച്ചു. ആറന്മുള പഞ്ചായത്തിലെ എഴിക്കാട് ബ്ലോക്കിൽ 10 വയസുകാരിക്ക് ആണ് ഷിഗെല്ല സ്ഥിരീകരിച്ചത് . കോഴഞ്ചേരി ജില്ലാ ആശുപത്രിയിൽ ചികിൽസയിലായിരുന്ന പെൺകുട്ടി രോഗം ഭേദമായതിനെ തുടർന്ന് ആശുപത്രി വിട്ടു.
വടക്കൻ ജില്ലകളിൽ പ്രകടമായിരുന്ന രോഗമാണ് ജില്ലയിലും സ്ഥിരീകരിച്ചത്. ഷിഗെല്ല ജില്ലയിൽ സ്ഥിരീകരിച്ച സാഹചര്യത്തിൽ പ്രതിരോധ പ്രവർത്തനങ്ങൾ ശക്തമാക്കണമെന്നാവശ്യപ്പെട്ട് കെ.യു. ജനീഷ് കുമാർ എം എൽ എ മുഖ്യമന്ത്രിക്കും ജില്ലയുടെ ചുമതലയുള്ള ടൂറിസം മന്ത്രി പി. സി. വിഷ്ണു നാഥിനും കത്ത് നൽകി
