ആലപ്പുഴ : ജില്ല പോലീസും ആലപ്പുഴ ജനറല്‍ ആശുപത്രിയും ചേര്‍ന്ന് ആശുപത്രിയില്‍ മോക്ഡ്രില്‍ നടത്തി. ആശുപത്രികളില്‍ അതിക്രമങ്ങള്‍ ഉണ്ടാകുമ്പോള്‍ ഉടനടി എന്തൊക്കെ ചെയ്യാനാകും എന്ന് ജീവനക്കാരെയും പൊതുജനങ്ങളെയും ബോധവത്കരിക്കാന്‍ സംഘടിപ്പിച്ച കോഡ് ഗ്രേ മോക്ഡ്രില്ലില്‍ ആശുപത്രി ജീവനക്കാരും പോലീസും പങ്കാളികളായി.
സൂപ്രണ്ട് ഡോ.ആര്‍. സന്ധ്യ, നോഡല്‍ ഓഫീസര്‍ ഡോ. അനുപമ, ആര്‍.എം.ഒ ഡോ.എം. ആശ, പൊലീസ് സ്‌പെഷല്‍ ബ്രാഞ്ച് ഉദ്യോഗസ്ഥരായ പ്രതാപന്‍, അനില്‍കുമാര്‍, ലേ സെക്രട്ടറി ടി. സാബു, നഴ്‌സിംഗ് സൂപ്രണ്ട് ദീപാറാണി, ഡെപ്യൂട്ടി നഴ്‌സിംഗ് സൂപ്രണ്ട് രജിത തുടങ്ങിയവര്‍ നേതൃത്വം നല്‍കി.
ആശുപത്രി ജീവനക്കാരായ എസ്.ജെ. പീറ്റര്‍, അംബിക, നസറുദ്ദീന്‍ തമ്പി, ഷൈബു, രജനീഷ്, നാസര്‍, ശാലിനി, പോലീസ് ഓഫീസര്‍മാരായ സുര്‍ജിത്ത്, വരുണ്‍കുമാര്‍, ബിപിന്‍ എന്നിവര്‍ മോക്ഡ്രില്ലില്‍ പങ്കെടുത്തു.
