ആറന്മുള : ആറന്മുളയിൽ ആഗസ്റ്റ് 26ന് നടക്കുന്ന അഷ്ടമിരോഹിണി വള്ളസദ്യ ഒരുക്കുന്നതിനുള്ള വിപുലമായ കമ്മിറ്റി രൂപികരിച്ചു. 52 പള്ളിയോടങ്ങളിൽ എത്തുന്നവർക്കും ക്ഷേത്രത്തിൽ എത്തുന്ന ഭക്തർക്കും വള്ളസദ്യ നൽകുന്നതിനാണ് കമ്മിറ്റി രൂപികരിച്ചത്. കരകളിൽ നിന്നും വിഭവ സമാഹരണം നടത്തും.
പള്ളിയോട സേവാ സംഘവും തിരുവിതാം കൂർ ദേവസ്വം ബോർഡും ചേർന്ന നിർവഹണ സമിതിയുടെ നിർദ്ദേശം അനുസരിച്ചാണ് ഒരുക്കങ്ങൾ നടക്കുക. അമ്പലപ്പുഴ പാൽപായസം, ആറന്മുള അരിപ്പായസം എന്നിവ പ്രത്യേക വിഭവങ്ങളായി ഉണ്ടാകും.
ഭക്തർക്ക് 10000, 5000, 2000, 1000 രൂപ ക്രമത്തിൽ സംഭാവന നൽകുന്നതിനുള്ള അവസരം ഒരുക്കിയിട്ടുണ്ടെന്ന് പള്ളിയോട സേവ സംഘം പ്രസിഡൻ്റ് കെ വി സാംബ ദേവൻ, സെക്രട്ടറി പ്രസാദ് ആനന്ദ ഭവൻ എന്നിവർ അറിയിച്ചു
