കട്ടിളപാളി കേസിൽ എ പത്മകുമാറിന് സ്വാഭാവിക ജാമ്യം

കൊല്ലം : ശബരിമല സ്വർണക്കൊള്ള കേസിൽ പ്രതിയായ മുൻ ദേവസ്വം ബോർഡ് പ്രസിഡണ്ട് എ പത്മകുമാറിന് കട്ടിളപാളി കേസിൽ സ്വാഭാവിക ജാമ്യം ലഭിച്ചു. 90 ദിവസം റിമാൻഡ് പൂർത്തിയായതോടെയാണ് എസ്ഐടി കുറ്റപത്രം സമർപ്പിക്കാത്തത് ചൂണ്ടിക്കാട്ടി കൊല്ലം വിജിലൻസ് കോടതി ജാമ്യം അനുവദിച്ചത്. എന്നാൽ ദ്വാരപാലക കേസിൽ റിമാൻഡിലായതിനാൽ പദ്മകുമാറിന് ജയിലിൽനിന്ന് പുറത്തിറങ്ങാനാവില്ല.