തിരുവല്ല : തിരുവല്ലയിൽ സ്‌പാ ജീവനക്കാരിയെ ഗുണ്ടാസംഘം കൂട്ടബലാത്സംഗം ചെയ്തതായി പരാതി. ഗുണ്ടാ പിരിവ് നൽകാത്തതിന് കാപ്പാ കേസ് പ്രതിയും കൂട്ടാളികളും ചേർന്ന് ബലാത്സംഗം ചെയ്തതായാണ് പരാതി. സംഭവത്തില്‍ കാപ്പാ കേസ് പ്രതി മരണ സുബിൻ എന്ന് വിളിക്കുന്ന സുബിന്‍ അലക്‌സാണ്ടര്‍ അടക്കം മൂന്നു പേര്‍ പിടിയിലായി. മൂന്ന് പ്രതികള്‍ ഒളിവിലാണ്.
ഫെബ്രുവരി ഒന്നാം തീയതി ഉച്ചയോടെയാണ് സംഭവം.50000 രൂപ ആവശ്യപ്പെട്ട് സുബിനും കൂട്ടാളികളും സ്പായില്‍ എത്തി.പണം നൽകാത്തതിനെ തുടർന്ന് റിസപ്ഷനിലുണ്ടായിരുന്ന യുവതിയെ ഭീഷണിപ്പെടുത്തുകയും പീഡിപ്പിക്കുകയും ചെയ്യുകയായിരുന്നു.ഇതിന്റെ ദൃശ്യങ്ങൾ ഇവർ മൊബൈലിൽ പകർത്തി. സ്ഥാപനത്തിൽ സൂക്ഷിച്ചിരുന്ന 25,000 രൂപയോളം പ്രതികൾ കവർന്നതായും പരാതിയുണ്ട്.
