തിരുവല്ല: മികവ് കലാ – സാഹിത്യ വേദിയുടെയും, പി. എൻ. നമ്പൂതിരി ഫൗണ്ടേഷന്റെയും സംയുക്താഭിമുഖ്യത്തിൽ വിവിധ പരിപാടികളോടെ പെരിങ്ങര ഇളമൺ മനയിൽ ഓണാഘോഷം നടന്നു. എം. എൽ. എ. അഡ്വ. വർഗ്ഗീസ് മാമ്മൻ ഉദ്ഘാടനം ചെയ്തു. ചടങ്ങിനോടനുബന്ധിച്ച് ഭാസ്കർ രചിച്ച കൽപാന്തം എന്ന നോവലിന്റെ പ്രകാശനം ഫ്രൊ. ഏ. റ്റി. ളാത്തറ നിർവ്വഹിച്ചു.
ഡോ. രമേശ് ഇളമൺ സമഭാവന സന്ദേശ പ്രഭാഷണം നടത്തി. മനു കേശവ്, ജേക്കബ്ബ് തോമസ്സ് തെക്കെപ്പുരക്കൽ, ഭാസ്കർ, ഫ്രൊ. റാണി, ലിനോ ചാക്കോ, ആർ. ഭാസി, ദേവരാജൻ, കെ സി. മാത്യു. മനോജ് കളരിക്കൽ എന്നിവർ പ്രസംഗിച്ചു. ആഘോഷത്തിന്റെ ഭാഗമായി കാർത്ത്യായനി തിരുവാതിര സംഘം അവതരിപ്പിച്ച തിരുവാതിര കളിയും നടന്നു.
