കരുവന്നൂർ ബാങ്കിൽ വീണ്ടും ഇഡി ; അനധികൃത വായ്പയെടുത്തവരുടെ വിശദാംശങ്ങൾ പരിശോധിച്ചു

തൃശ്ശൂർ : കരുവന്നൂർ ബാങ്കിൽ ഇഡി പരിശോധന നടത്തി .ബാങ്ക് പരിധിക്ക് പുറത്തുള്ളവർ എടുത്ത വായ്‌പയുടെ വിശദാംശങ്ങൾ പരിശോധിക്കാനാണ് ഇ.ഡി എത്തിയത്. അനധികൃത വായ്പയെടുത്തവരുടെ സ്വത്തുക്കൾ കണ്ടുകെട്ടാൻ നീക്കമുണ്ടെന്നാണ് വിവരം . ഇതിനു മുന്നോടിയായി ബാങ്കിലെത്തി മേൽവിലാസം ശേഖരിച്ചു. ബാങ്കിന്റെ അധികാരപരിധിക്ക് പുറത്തുള്ള നിരവധി പേർക്ക് തട്ടിപ്പ് നടന്ന കാലത്ത് വായ്പ അനുവദിച്ചിരുന്നു. എടുത്ത വായ്പയ്ക്കുള്ള മൂല്യം ഭൂമിക്കില്ലെന്നും കണ്ടെത്തിയിരുന്നു.