തിരുവല്ല ഗവ. ആശുപത്രിക്ക് സമീപം കാറും ബൈക്കും കൂട്ടിയിടിച്ചു : ഒരാൾക്ക് പരിക്കേറ്റു

തിരുവല്ല : അമ്പലപ്പുഴ – തിരുവല്ല സംസ്ഥാനപാതയിൽ  തിരുവല്ല ഗവ. ആശുപത്രിക്ക് സമീപം കാറും ബൈക്കും കൂട്ടിയിടിച്ച് ബൈക്ക് യാത്രികന് പരിക്കേറ്റു. ഇന്ന് രാവിലെ 8 മണിയോടെ നാഷണൽ ഐ ടി ഐ ക്ക് മുൻപിൽ ആയിരുന്നു സംഭവം. തിരുവല്ല മാർക്കറ്റ് ഭാഗത്തു നിന്നും ബൈക്കിൽ വന്ന യുവാവും  എതിർ ദിശയിൽ വന്ന കാറും കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ബൈക്ക് പൂർണമായും തകർന്നു. പരിക്കേറ്റ ബൈക്ക് യാത്രികനെ കോട്ടയം മെഡിക്കൽ കോളേജിൽ കൊണ്ടുപോയതായി പ്രദേശവാസികൾ പറഞ്ഞു.