തിരുവനന്തപുരം: ശബരിമല സ്വര്ണക്കൊള്ള കേസില് ദേവസ്വം ബോര്ഡ് മുന് പ്രസിഡന്റ് പിഎസ് പ്രശാന്തിനെയും അജികുമാറിനെയും കസ്റ്റഡിയില് വാങ്ങി ചോദ്യം ചെയ്യാന് അന്വേഷണ സംഘം ഒരുങ്ങുന്നു. കസ്റ്റഡി അപേക്ഷ കൊല്ലം വിജിലന്സ് കോടതിയില് നല്കി. കേസില് കൂടുതല് അറസ്റ്റ് ഉണ്ടായേക്കുമെന്നും സൂചനയുണ്ട്.
2025ല് ശബരിമലയില് നിന്ന് സ്വര്ണപ്പാളികള് കടത്തിയെന്ന കേസില് പ്രശാന്തിനെയും അജികുമാറിനെയും നേരത്തെ അറസ്റ്റ് ചെയ്തിരുന്നു. നിലവില് റിമാന്ഡില് കഴിയുന്ന പ്രതികള് തിരുവനന്തപുരം സ്പെഷ്യല് ജയിലിലാണുള്ളത്. സര്ണക്കൊള്ള നടന്നതായി ഇരുവരുടെയും റിമാന്ഡ് റിപ്പോര്ട്ടില് അന്വേഷണ സംഘം പരാമര്ശിക്കുന്നുണ്ട്. ഇക്കാര്യത്തില് കൂടുതല് വ്യക്തത വരുത്താനായി അഞ്ച് ദിവസത്തേക്ക് കസ്റ്റഡിയില് വിടണമെന്നാണ് ആവശ്യം.
