പ്രതിരോധ സംവിധാനങ്ങള്‍ കൂടുതൽ ശക്തിപ്പെടുത്തുന്നു : 2000 കോടി രൂപയുടെ കരാറിന് അംഗീകാരം നൽകി പ്രതിരോധ മന്ത്രാലയം

ന്യൂഡൽഹി : രാജ്യത്തിൻറെ പ്രതിരോധ സംവിധാനങ്ങള്‍ കൂടുതൽ ശക്തിപ്പെടുത്തുന്നതിനായി 2000 കോടി രൂപയുടെ കരാറിന് അംഗീകാരം നൽകി പ്രതിരോധ മന്ത്രാലയം. ലോ ലെവൽ ലൈറ്റ് വെയ്റ്റ് റഡാർ, വ്യോമാക്രമണ പ്രതിരോധ സംവിധാനങ്ങൾ, പുതിയ ഡ്രോണുകൾ ഉൾപ്പെടെ വാങ്ങാനാണ് കരാർ. ഭീകരവാദ ഭീഷണികൾ നേരിടുന്നതിനും ഡ്രോണുകളെ പ്രതിരോധിക്കാനും സൈനികരുടെ സുരക്ഷയും ആക്രമണശേഷിയും വര്‍ധിപ്പിക്കാനുമുള്ള സംവിധാനങ്ങൾ വാങ്ങാനുള്ള 13 കരാറുകളാണ് നടപ്പിലാക്കുക.