ന്യൂഡൽഹി : ദുബായിൽനിന്ന് ടെൽ അവീവിലേക്കുള്ള വിമാനം അടിയന്തരമായി വടക്കൻ സൗദി അറേബ്യയിൽ ലാൻഡ് ചെയ്തു .വിമാനം അപകട സൂചന നൽകിയതിന്‌റെ പിന്നാലെ ഇസ്രയേലി വ്യോമസേനയുടെ യുദ്ധവിമാനങ്ങൾ വിമാനത്തിന് നേരെ പുറപ്പെടുകയും ചെയ്‌തെങ്കിലും വിമാനം സൗദി അറേബ്യയിൽ സുരക്ഷിതമായി ലാൻഡ് ചെയ്തു. വിമാനം റാഞ്ചിയതല്ലെന്നും വിമാനത്തിലെ പൈലറ്റുമാർ തമ്മിലുണ്ടായ പ്രശ്നത്തെ തുടർന്ന് അടിയന്തിരമായി സൗദിയിൽ ലാൻഡ് ചെയ്തതാണെന്നും ഇസ്രയേൽ അധികൃതർ സ്ഥിരീകരിച്ചു..
ദുബായിൽ നിന്ന് ടെൽ അവീവിലേക്കു പോയ ഫ്ലൈദുബായ് ബോയിങ് 737 മാക്സ് വിമാനമാണ് എമർജൻസി സിഗ്നൽ നൽകിയതിനു പിന്നാലെ സൗദി അറേബ്യയ്ക്കു മുകളിൽ വച്ച് തിരികെ പറന്നത്.ഇതോടെയാണ് റാഞ്ചൽ സംശയം ഉയർന്നത്.27 കുട്ടികൾ ഉൾപ്പെടെ 174 യാത്രക്കാരാണ് വിമാനത്തിലുള്ളത്
