തിരഞ്ഞെടുപ്പ്:4 ജില്ലകളിൽ നിരോധനാജ്ഞ

തിരുവനന്തപുരം : ലോക് സഭ തിരഞ്ഞെടുപ്പിനോടനുബന്ധിച്ചു സംസ്ഥാനത്തെ 4 ജില്ലകളിൽ നിരോധനാജ്ഞ പ്രഖ്യാപിച്ചു. തിരുവനന്തപുരം, പത്തനംതിട്ട, തൃശൂർ, കാസർകോട് ജില്ലകളിലാണ് ജില്ലാ കലക്ടർമാർ നിരോധനാജ്ഞ പ്രഖ്യാപിച്ചത്. തിരുവനന്തപുരം,തൃശൂർ, കാസർകോട് എന്നീ ജില്ലകളിൽ ഇന്നു വൈകിട്ട് ആറു മണി മുതലും പത്തനംതിട്ടയിൽ നാളെ വൈകിട്ട് 6 മണി മുതലുമാണ് നിരോധനാജ്ഞ. നിശബ്ദ പ്രചരണം നടത്താം,അഞ്ചിലധികം ആളുകൾ കൂടാൻ പാടില്ല,ശനിയാഴ്ച വരെ പൊതുയോഗങ്ങൾ പാടില്ല എന്നിവയാണ് കലക്ടർമാരുടെ നിർദ്ദേശം.