പാലക്കാട് : കേരള-തമിഴ്നാട് അതിർത്തിയായ വാളയാറിൽ ട്രാക്ക് കുറുകെ കടക്കുന്നതിനിടെ ട്രെയിൻ ഇടിച്ചു കയറി പിടിയാനയും കുട്ടിയാനയും ചരിഞ്ഞു. ഇന്നു പുലർച്ചെ 12.30ന് വാളയാർ ചാവടിപ്പാറ പുതുപ്പതി റെയിൽവേ ട്രാക്കിൽ മംഗളുരു -ചെന്നൈ എക്സ്പ്രസില്‍ ഇടിച്ചാണ് അപകടം .
എൻജിന് അടിയിൽ ആനകളുടെ ജഡം കുടുങ്ങി.അപകടത്തെ തുടർന്ന് ട്രെയിൻ വനമേഖലയിൽ 20 മിനിറ്റോളം നിർത്തിയിട്ടു.ഇതേത്തുടർന്ന് ട്രെയിനുകൾ വൈകി ഓടുകയാണ് .കേരളത്തിലെയും തമിഴ്നാട്ടിലെയും വനംവകുപ്പ് ഉദ്യോഗസ്ഥർ സ്ഥലത്തെത്തി തുടർനടപടികൾ സ്വീകരിച്ചു.
