ഫിറ്റ്നസ് സർട്ടിഫിക്കറ്റ് ഇല്ലാത്ത ഒരു ബസ് പോലും ശബരിമല സർവ്വീസ് നടത്തരുത് : ഹൈക്കോടതി

കൊച്ചി : ശബരിമല സർവീസുകളിൽ ഫിറ്റ്‌നസ് സർട്ടിഫിക്കറ്റ് ഇല്ലാത്ത ഒരു ബസ് പോലും ഉപയോഗിക്കരുതെന്ന് കെ എസ്‌ ആർ ടി സി യോട് ഹൈക്കോടതി നിർദ്ദേശിച്ചു. തീർഥാടകരെ നിർത്തിക്കൊണ്ട് പോകരുതെന്നും ഇത് ലംഘിച്ചാൽ കർശന നടപടിയെടുക്കുമെന്നും ജസ്റ്റിസ് അനിൽ കെ.നരേന്ദ്രൻ,എസ്.മുരളീകൃഷ്ണ എന്നിവരുടെ ദേവസ്വം ബെ‍ഞ്ച് മുന്നറിയിപ്പ് നൽകി.നാളെ വൈകിട്ട് നട തുറക്കുന്നതോടെ ശബരിമല തീർഥാടനകാലം ആരംഭിക്കും.