ചങ്ങനാശ്ശേരി : യൂദാപുരം സെന്റ് ജൂഡ് പളളിയില്‍ വി. യൂദാ തദേവൂസിന്റെ തിരുനാള്‍ ആരംഭിച്ചു. തിരുനാളിന് വികാരി ഫാ.ഫിലിപ്പ് കാഞ്ചിക്കല്‍ കൊടിയേറ്റ് കര്‍മ്മം നിര്‍വ്വഹിച്ചു. 23 വരെ വൈകുന്നേരം 4.30ന് ജപമാല, മദ്ധ്യസ്ഥ പ്രാര്‍ത്ഥന, വി.കുര്‍ബാന, പ്രസംഗം. സെമിത്തേരി സന്ദര്‍ശനം. 24ന് വൈകുന്നേരം 4.30ന് ജപമാല, മദ്ധ്യസ്ഥ പ്രാര്‍ത്ഥന, വി. കുര്‍ബാന, പ്രസംഗം, വി.കുര്‍ബാനയുടെ പ്രദക്ഷിണം തുരുത്തി ഫൊറോന വികാരി ഫാ.ജേക്കബ് ചീരംവേലില്‍ കാര്‍മ്മികത്വം വഹിക്കും.
പ്രധാന തിരുനാള്‍ ദിനമായ 25ന് രാവിലെ 6.30ന് വി.കുര്‍ബാന, വൈകുന്നേരം 3.30ന് തിരുസ്വരൂപങ്ങളുടെ എഴുന്നളളിപ്പ്, റാസ ഫാ.ജോസ് തെക്കേപ്പുറത്ത്, തുടര്‍ന്ന് മുളയ്ക്കാംതുരുത്തി സെന്റ് ജോര്‍ജ് ക്‌നാനായ ദൈവാലയത്തിലേക്ക് പ്രദക്ഷിണം ഫാ.ജോഫിന്‍ മുളകുടിയാങ്കല്‍, കൊടിയിറക്ക്, നേര്‍ച്ചവസ്തുക്കളുടെ ലേലം.
