ആലപ്പുഴ: ആലപ്പുഴ മുല്ലക്കൽ ക്ഷേത്രത്തിന് സമീപത്തെ ബ്രാഹ്മണ സമൂഹ മഠത്തിൽ തീപിടുത്തം. രണ്ട് വീടുകൾ കത്തി നശിച്ചു. ബ്രാഹ്മണ സമൂഹമഠത്തിലുള്ള ഒരു വീട്ടിലാണ് തീപിടുത്തം ഉണ്ടായത്. സമീപമുള്ള അഞ്ച് വീടുകളിലേക്ക് തീ പടർന്നിട്ടുണ്ട്. അടുത്തടുത്തായി വീടുകൾ സ്ഥിതി ചെയ്യുന്ന സ്ഥലമാണിത്. ഇന്ന് രാത്രി ഏഴരയോടെയാണ് സംഭവം.
ആലപ്പുഴയിൽ നിന്നും തകഴിയിൽ നിന്നും അഗ്നി രക്ഷാ സേനാ യൂണിറ്റ് എത്തി തീ അണയ്ക്കുന്ന ശ്രമം നടക്കുകയാണ്. തീപിടുത്ത സമയത്ത് ആരും വീട്ടിൽ ഉണ്ടായിരുന്നില്ല. ഷോർട്ട് സർക്യൂട്ട് ആണെന്നാണ് പ്രാഥമിക നിഗമനം.
