കോന്നി : ഉത്സവസ്ഥലത്ത് ബഹളമുണ്ടാക്കിയതിന് പിടികൂടി സ്റ്റേഷനിലെത്തിച്ച യുവാവിൽ നിന്നും കഞ്ചാവ് കണ്ടെടുത്തു. വി -കോട്ടയം പ്ലാച്ചേരി വിള തെക്കേതിൽ രതീഷ് കുമാറി (37)ന്റെ കയ്യിൽ നിന്നാണ് കഞ്ചാവ് പിടികൂടിയത്.
ഇയാളുടെ പക്കൽ നിന്നും രണ്ടു ചെറിയ പ്ലാസ്റ്റിക് കവറുകളിലായി 18 ഗ്രാം കഞ്ചാവ് കണ്ടെടുത്തു. വി- കോട്ടയം മാളികപ്പുറം ക്ഷേത്ര ഉത്സവത്തിനിടെ പരസ്പരം ഉന്തും തള്ളും ഉണ്ടായി പ്രശ്നം സൃഷ്ടിച്ചതിനു ഇയാളെയും, വി- കോട്ടയം രേഖാഭവനിൽ പ്രകാശി (55)നെയുമാണ് പോലീസ് പിടിച്ച് സ്റ്റേഷനിൽ എത്തിച്ചത്. ഇരുവർക്കുമെതിരെ കോന്നി പോലീസ് നിയമനടപടി സ്വീകരിച്ചു. രതീഷ് കുമാറിനെതിരെ കഞ്ചാവ് കൈവശം സൂക്ഷിച്ചതിനും കേസ് എടുത്തു.
