കോഴിക്കോട് : ഗൂഗിൾ പേ വഴി പണം അയച്ചതിന്റെ വ്യാജ സ്ക്രീൻ ഷോട്ട് കാണിച്ച് തട്ടിപ്പ് നടത്തിയ രണ്ട് പേർ പിടിയിൽ. നടക്കാവ് സ്വദേശി സെയ്ത് ഷമീം (25), കുറ്റിക്കാട്ടൂർ സ്വദേശിനി അനീഷ (18) എന്നിവരെയാണ് കോഴിക്കോട് കസബ പോലീസ് അറസ്റ്റ് ചെയ്തത്.ഇവർ നഗരത്തിൽ പല എടിഎം കൗണ്ടറുകൾക്ക് മുൻപിൽ നിന്നും ആളുകളുടെ കയ്യിൽ നിന്നും പണം വാങ്ങുകയും പകരം ഗൂഗിൾ പേയിൽ അയച്ചുകൊടുക്കുന്നതായി വ്യാജ സ്ക്രീൻ ഷോട്ടുകൾ കാണിക്കുമായിരുന്നു.
വെള്ളിയാഴ്ച രാത്രി കോഴിക്കോട് കെഎസ്ആർടിസിക്ക് സമീപത്തെ എടിഎം കൗണ്ടറിൽ പണം എടുക്കാനെത്തിയ യുവാവിനെ പറ്റിക്കാൻ ശ്രമിച്ചപ്പോഴാണ് ഇരുവരും പിടിയിലായത്.സെയ്ത് ഷമീമിനെതിരെ കോഴിക്കോട് ജില്ലയിലും കൊല്ലം ജില്ലയിലും പത്തോളം കേസുകള്‍ ഉണ്ടെന്ന് പൊലീസ് അറിയിച്ചു.
,){kind=link}