അമ്പലപ്പുഴ: അമ്പലപ്പുഴ ക്ഷേത്രത്തിൽ ഇല്ലം നിറ ഓഗസ്റ്റ് 3-ന് നടക്കും. വരുംകാല സമൃദ്ധി യുടെ ഉത്സവാരംഭം കുറിക്കുന്ന ഇല്ലം നിറ രാവിലെ 5.40നും 6.20നും മദ്ധ്യേ ക്ഷേത്രത്തിൽ നടക്കുക. ഇല്ലം നിറ.. വല്ലംനിറ… നിറയോ നിറ നിറയോ എന്ന പ്രാർത്ഥനയോടെ നെൽക്കതിർ കറ്റകളും, ഇല്ലി, നെല്ലി, തകര, പ്ലാശിൻ ചമത എന്നിവയുടെ ഇലകളും ദശ പുഷ്പങ്ങളും കൂട്ടി കെട്ടി ദേവന് സമർപ്പിക്കുന്ന ചടങ്ങിന് നൂറ്റാണ്ടുകളുടെ പഴക്കമുണ്ട്.
വരാൻ പോകുന്ന നല്ല വിളവ് എടുപ്പിനും നാടിന്റെയാകെ സമൃധിക്കു വേണ്ടി ദേവ സന്നിധിയിൽ നടക്കുന്ന പ്രാർത്ഥന കൂടിയാണ് ഇത്. വയലിൽ നിന്ന് ആദ്യം കൊയ്ത് എടുക്കുന്ന നെൽ കതിരുകൾ ആണ് ദേവന് സമർപ്പിക്കുന്നത്. ചടങ്ങുകൾക്ക് ക്ഷേത്രം തന്ത്രി പുതുമന വാസുദേവൻ നമ്പൂതിരി മുഖ്യ കർമ്മികത്വം വഹിക്കും. ശേഷം പൂജിച്ച കതിർ കുലകൾ ഭക്തർക്ക് വിതരണം ചെയ്യും.
