പത്തനംതിട്ട : പ്രതിഷ്ഠാദിനത്തോട് അനുബന്ധിച്ച പൂജകൾക്കായി ശബരിമലനട മേയ് 25-ന് തുറക്കും. മേയ് 26 നാണ് പ്രതിഷ്ഠാദിനം. മേയ് 25-ന് വൈകീട്ട് അഞ്ചിന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി ഇ.ഡി. പ്രസാദ് നമ്പൂതിരി നടതുറന്ന് ദീപം തെളിയിക്കും.
ശേഷം പതിനെട്ടാം പടിക്ക് താഴെ ആഴിയിൽ അഗ്നിപകരും. പ്രതിഷ്ഠാദിനമായ മേയ് 26-ന് രാവിലെ അഞ്ചുമണിക്കാണ് നട തുറക്കുക. പ്രതിഷ്ഠാദിന ത്തോട് അനുബന്ധിച്ച പൂജകൾ പൂർത്തിയാക്കി മേയ് 26-ന് രാത്രി 10-ന് നട അടയ്ക്കും. വെർച്വൽ ക്യൂ വെബ്സൈറ്റ് (www.sabarimalaonline.org)വഴി ദർശനത്തിനുള്ള സ്ലോട്ടു ബുക്ക് ചെയ്യേണ്ടതാണ്.
