തിരുവനന്തപുരം : തൃശൂര് പൂരം അലങ്കോലപ്പെട്ടതിൽ ഗൂഢാലോചനയ്ക്ക് തെളിവില്ലെന്ന് എഡിജിപി എം.ആർ.അജിത്കുമാറിന്റെ റിപ്പോർട്ട്. റിപ്പോർട്ട് ഇന്നലെ ഡിജിപിക്ക് കൈമാറി.സംഭവത്തിൽ ബാഹ്യ ഇടപെടലുകൾ നടന്നിട്ടില്ലെന്നും സിറ്റി പൊലീസ് കമ്മീഷണർ അങ്കിത് അശോകിന്റെ ഏകോപനത്തിൽ വന്ന പാളിച്ചയാണ് പൂരം അലങ്കോലമായതിന് പിന്നിലെന്നും റിപ്പോർട്ടിൽ പറയുന്നു
പൂരവുമായി ബന്ധപ്പെട്ടുണ്ടാവുന്ന പ്രശ്നങ്ങൾ ദേവസ്വം ബോർഡും പൊലീസും ജനപ്രതിനിധികളും സംസാരിച്ച് ശേഷം ഒത്തുതീർപ്പാക്കുമായിരുന്നു. എന്നാൽ കഴിഞ്ഞ വർഷം അതുണ്ടായില്ലെന്നും റിപ്പോർട്ടിൽ പറയുന്നു.മലയാളിയായിട്ടും തൃശൂർ സിറ്റി പൊലീസ് കമ്മിഷണറായിരുന്ന അങ്കിത് അശോകിന് ഉത്സവച്ചടങ്ങ് നടത്തേണ്ടത് എങ്ങനെയാണെന്ന് മനസിലാക്കിയില്ല എന്നും റിപ്പോർട്ടിൽ കുറ്റപ്പെടുത്തുന്നുണ്ട് .
2024 ഏപ്രിൽ 19ന് പൂരത്തിനിടയിൽ പൊലീസിന്റെ ഭാഗത്തുനിന്നുണ്ടായ നടപടികളാണ് വൻ വിവാദത്തിലായത്.തുടർന്ന് സംഭവത്തെക്കുറിച്ച് അന്വേഷണത്തിന് ഉത്തരവിട്ട് 5 മാസത്തിന് ശേഷമാണ് ഡിജിപിക്ക് റിപ്പോർട്ട് സമർപ്പിച്ചത്.
