തിരുവനന്തപുരം : പി എസ് സി യുടെ ആസൂത്രണ ബോർഡ് പരീക്ഷയിൽ 10 ചോദ്യങ്ങൾ ഒഴിവാക്കിയത് ഒന്നാം റാങ്കുകാരന് വേണ്ടിയെന്ന് എസ് ഐ ടിയുടെ കണ്ടെത്തൽ .പരീക്ഷയിലെ 58 മാർക്കിന്റെ 10 ചോദ്യങ്ങൾ ഒഴിവാക്കിയതോടെയാണ് ഉദ്യോഗാർഥികൾ പരാതിയുമായി രംഗത്തെത്തിയത്. ഒന്നാം റാങ്കുകാരൻ 10 ചോദ്യങ്ങളുടെ ഉത്തരം തെറ്റിക്കുകയോ എഴുതാതിരിക്കുകയോ ചെയ്തു. അതിനാൽ ഈ ചോദ്യങ്ങൾ ഒഴിവാക്കിയെന്നാണ് എസ് ഐ ടി കണ്ടെത്തിയിരിക്കുന്നത്. ഒന്നാം റാങ്ക് നേടിയത് ഇടത് സംഘടനാ നേതാവാണ്.
സംസ്ഥാനത്തെ വിവിധ പിഎസ്‌സി പരീക്ഷകളുമായി ബന്ധപ്പെട്ട് ലഭിച്ച 90 പരാതികളാണ് നിലവിൽ എസ്‌ഐടി പരിശോധിക്കുന്നത്.ആസൂത്രണ ബോർഡ് പരീക്ഷാ ക്രമക്കേടിൽ കൂടുതൽ അന്വേഷണത്തിന് എസ് ഐ ടി ഒരുങ്ങുകയാണ്. ഇതിനായി പി എസ് സി ഉദ്യോഗസ്ഥരെ ഉടൻ ചോദ്യം ചെയ്യും.
