ചെങ്ങന്നൂർ: കെ.പി എം.എസ് ആലപ്പുഴ ജില്ലാ സമ്മേളനം ചെങ്ങന്നൂരിൽ 31-ന് വണ്ടിമല ദേവസ്ഥാനം ട്രസ്റ്റ് ആഡിറ്റോറിയത്തിൽ ( ചാത്തൻ മാസ്റ്റർ നഗർ) രാവിലെ 9 ന് നടക്കും.10 ന് പ്രതിനിധി സമ്മേളനം .ജില്ല പ്രസിഡൻ്റ് എം .കെ മുരളീധരൻ അദ്ധ്യക്ഷത വഹിക്കും. സംസ്ഥാന ജനറൽ സെക്രട്ടറി പി.എം വിനോദ് ഉദ്ഘാടനം ചെയ്യും.
മഹാത്മാക്കളായ ഡോ: ബി.ആർ അംബേദ്ക്കർ ,അയ്യൻകാളി എന്നിവരുടെ പ്രത്യാശാസ്ത്രങ്ങളും ദർശനങ്ങളും സ്വീകരിച്ച് കൊണ്ട് രാഷ്ട്രീയവും സാമൂഹ്യനീതി പ്രക്ഷോഭങ്ങളും സജീവമാക്കുന്നതിനുള്ള ക്രിയാത്മകമായ പരിപാടികൾ സമ്മേളനം വിശകലനം ചെയ്യുന്നതോടൊപ്പം ജനസംഖ്യാടിസ്ഥാനത്തിൽ ജാതി സെൻസസ് നടപ്പാക്കേണ്ടതിൻ്റെ ആവശ്യകതയും സമ്മേളനത്തിൽ ചർച്ച ചെയ്യും.
ഇതിൻ്റെ ഭാഗമായി 30-ന് വൈകിട്ട് 4ന് മുതൽ വിവിധ സ്ഥലങ്ങളിലെ ശാഖയിൽ നിന്നും പതാക – കൊടിമര- കപ്പിയും കയറും – ജാഥകൾ ആഞ്ഞിലിമൂട് ജംഗ്ഷനിൽ നിന്നും ടൗൺ ചുറ്റി സമ്മേളന നഗറിലേക്ക് എത്തുമ്പോൾ അതാത് ശാഖ സെക്രട്ടറിമാരിൽ നിന്നും ഏറ്റുവാങ്ങുമെന്ന് ഭാരവാഹികളായ എം കെ മുരളീധരൻ, സി.ഒ രാജൻ,കെ.ജി സോമൻ, പി.കെ വിദ്യാധരൻ, കെ.കെ ഓമനക്കുട്ടൻ ,കെ .സി തമ്പി എന്നിവർ അറിയിച്ചു.
 രാവിലെ 9 ന്){kind=link}