കൊച്ചി : എറണാകുളത്ത് കൈക്കൂലി വാങ്ങുന്നതിനിടെ ലാൻഡ് റവന്യൂ തഹസിൽദാർ അറസ്റ്റിൽ.രണ്ട് ഏജന്റുമാരും പിടിയിലായിട്ടുണ്ട്.കണയന്നൂർ തഹസിൽദാർ ജോസഫ് ആന്റണിയും ഷിബിൻ, രാജേഷ് എന്നീ ഏജന്റുമാരുമാണ് അറസ്റ്റിലായത് .എളമക്കര സ്വദേശിയുടെ ഭൂമി ഇടപാടുമായി ബന്ധപ്പെട്ട് 10 ലക്ഷം രൂപ കൈക്കൂലി വാങ്ങുന്നതിനിടയിലാണ് ഇവർ പിടിയിലായത് .
കൃഷി ഭൂമി പുരയിടമാക്കി രേഖകള്‍ നല്‍കാനാണ് വ്യാജപരാതിക്കാരനെ സൃഷ്ടിച്ച് കൈക്കൂലി ആവശ്യപ്പെട്ടത്. പരാതിക്കാരനുമായുള്ള ഒത്തുതീര്‍പ്പിനും കൃഷി ഭൂമി പുരയിടമാക്കി രേഖ നല്‍കാനും പത്തുലക്ഷം രൂപ കൈക്കൂലി ആവശ്യപ്പെട്ടു.കൂടുതൽ റവന്യൂ ഉദ്യോഗസ്ഥർ ഇടപാടിന്റെ ഭാഗമാണെന്നും വിശദമായ അന്വേഷണം നടത്തുമെന്നും വിജിലൻസ് എറണാകുളം യൂണിറ്റ് അറിയിച്ചു.
