തിരുവനന്തപുരം: ബംഗാള് ഉള്ക്കടലില് രൂപപ്പെട്ട ന്യൂനമര്ദത്തിന്റെ ഫലമായി സംസ്ഥാനത്ത് മഴ വീണ്ടും കനക്കാൻ സാധ്യത. വടക്കന് കേരളത്തിലാണ് മഴ കൂടുതല് ശക്തമാകാന് സാധ്യത. ഇതിന്റെ പശ്ചാത്തലത്തില് കണ്ണൂര്, കാസര്കോട് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചു.
ദിവസങ്ങൾക്ക് മുമ്പ് താത്കാലികമായി അടങ്ങിയ മഴ മുന്നറിയിപ്പുകളാണ് ന്യൂനമര്ദത്തോടെ വീണ്ടും സജീവമാകുന്നത്. മഴ മുന്നറിയിപ്പിനൊപ്പം കള്ളക്കടല് പ്രതിഭാസത്തെ തുടര്ന്ന് വിവിധ തീരങ്ങളില് ഉയര്ന്ന തിരമാലകള്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. അതിനാൽ മത്സ്യ തൊഴിലാളികൾ ജാഗ്രത പാലിക്കേണ്ടതാണ്.
