ടെഹ്‌റാൻ : ഇറാൻ– ഇസ്രയേൽ സംഘർഷം തുടരുന്നതിനിടെ ഇറാനിലെ ഇന്ത്യൻ വിദ്യാർത്ഥികളുടെ സുരക്ഷ ഉറപ്പാക്കാൻ നടപടികളുമായി വിദേശകാര്യ മന്ത്രാലയം. നിലവിൽ 1500ൽ ഏറെ ഇന്ത്യൻ വിദ്യാർഥികളാണ് ഇറാനിലുള്ളത് .ഇവരിൽ ഭൂരിഭാഗവും ജമ്മു കശ്മീരിൽ നിന്നുള്ളവരാണ്.
ടെഹ്റാനിലെ ഇന്ത്യൻ എംബസി അടിയന്തര സാഹചര്യങ്ങളിൽ വിളിക്കേണ്ട നമ്പറുകളുടെ പട്ടിക പുറത്തുവിട്ടു.വിദ്യാർത്ഥികളുമായി ടെഹ്റാനിലെ ഇന്ത്യൻ എംബസി ആശയവിനിമയം നടത്തുന്നുണ്ടെന്നും അപകട സാധ്യത മേഖലകളിൽ നിന്നും വിദ്യാർത്ഥികളെ സുരക്ഷിത താവളങ്ങളിലേക്ക് മാറ്റി പാർപ്പിക്കുമെന്നും എംബസി അറിയിച്ചു. വ്യോമാതിർത്തി അടച്ച സാഹചര്യത്തിൽ ആവശ്യമെങ്കിൽ കരമാർഗം ഇവരെ തിരികെയെത്തിക്കുന്നതും വിദേശകാര്യ മന്ത്രാലയം പരിഗണിക്കുന്നുണ്ട്.
