കൊല്ലം: ഓച്ചിറയിൽ അമ്മയും മകനും ട്രെയിൻ തട്ടി മരിച്ച നിലയിൽ കണ്ടെത്തി. ശാസ്താംകോട്ട കാരാളിമുക്ക് വേങ്ങ പ്രവണത്തിൽ വസന്ത (65) മകൻ ശ്യാം (45) എന്നിവരെയാണ് ഓച്ചിറ റെയിൽവേ സ്റ്റേഷന്റെ വടക്കേ പ്ലാറ്റ്ഫോമിനു സമീപം ട്രെയിൻ തട്ടി മരിച്ച നിലയിൽ കണ്ടത്.
കോയമ്പത്തൂരിൽ ജോലി ചെയ്യുകയായിരുന്ന ശ്യാം കഴിഞ്ഞ ദിവസമാണ് വീട്ടിലെത്തിയത്. നാട്ടിലെത്തിയ ശ്യാം ഭാര്യയെയും മകനെയും മർദിച്ചിരുന്നു. ഇവർ പൊലീസ് സ്റ്റേഷനിൽ വിളിച്ചതിനെ തുടർന്ന് പൊലീസ് എത്തുകയും ഇന്ന് സ്റ്റേഷനിൽ ഹാജരാകാൻ പറയുകയും ചെയ്തു.എന്നാൽ ശ്യാമും അമ്മയും എത്തിയിരുന്നില്ല. മൃതദേഹങ്ങൾ തിരിച്ചറിയാൻ സാധിക്കാത്തവിധം ചിന്നിച്ചിതറിയ നിലയിലാണ്. സമീപത്ത് നിന്ന് ഇരുവരുടെയും മൊബൈൽ ഫോൺ ലഭിച്ചിട്ടുണ്ട്. പ്രമീളയാണ് ശ്യാമിന്റെ ഭാര്യ.
 മകൻ){kind=link}