തിരുവനന്തപുരം : വാമനപുരത്തെ അശ്വതി – സുഭാഷ് ദമ്പതികളുടെ മകളായ ഒരു വയസ്സുകാരിയുടെ കൊലപാതകത്തിൽ അമ്മ കുറ്റം സമ്മതിച്ചു . അശ്വതി മാനസിക പ്രശ്നങ്ങൾ നേരിടുന്നതായും അശ്വതിക്ക് ആത്മഹത്യ പ്രവണത ഉള്ളതായും പോലീസ് അറിയിച്ചു.കുഞ്ഞിന്റെ പോസ്റ്റുമോർട്ടം ഇന്ന് തിരുവനന്തപുരം മെഡിക്കൽ കോളജിൽ നടക്കും.
ഇന്നലെയാണ് അശ്വതിയുടെ വീട്ടിൽ അനക്കമറ്റ നിലയിൽ കുഞ്ഞിനെ അശ്വതിയുടെ ‘അമ്മ കണ്ടത്.ഉടൻ തന്നെ കാരേറ്റിലെ സ്വകാര്യ ആശുപത്രിയിൽ എത്തിച്ചെങ്കിലും നേരത്തെ തന്നെ മരണം സംഭവിച്ചതായി ഡോക്ടർമാർ സ്ഥിരീകരിക്കുകയായിരുന്നു. കുഞ്ഞിന്റെ കഴുത്തിലും ശരീരത്തിന്റെ മറ്റ് ഭാഗങ്ങളിലും പാടുകൾ കണ്ടെത്തി.തുടർന്ന് വെഞ്ഞാറമൂട് പൊലിസ് അശ്വതിയെ കസ്റ്റഡിയിലെടുക്കുകയായിരുന്നു
