തൃശൂരിൽ ആനയുടെ കുത്തേറ്റ് ഒരാൾ മരിച്ചു

തൃശ്ശൂർ : തൃശ്ശൂർ ചിറ്റാട്ടുകരയിൽ ആനയുടെ കുത്തേറ്റ് ഒരാൾ മരിച്ചു .ആലപ്പുഴ സ്വദേശി ആനന്ദ് (38) ആണ് മരിച്ചത്. ആനയുടെ ആക്രമണത്തിൽ പാപ്പാനും ഗുരുതരമായി പരിക്കേറ്റു. എളവള്ളി ബ്രഹ്മകുളം പൈങ്കണിക്കൽ ക്ഷേത്രത്തിലെ ഉത്സവത്തിനായി കൊണ്ടുവന്ന ചിറയ്‌ക്കൽ ​ഗണേശൻ എന്ന ആന കുളിപ്പിക്കുന്നതിനിടെ വിരണ്ടോടുകയായിരുന്നു. എട്ടുകിലോമീറ്ററോളം ഓടിയ ആനയെ മണിക്കൂറുകൾ നീണ്ട പരിശ്രമത്തിനൊടുവിലാണ് തളച്ചത് .മരിച്ച ആനന്ദ് ഉത്സവത്തിന് സാധനങ്ങൾ വിൽക്കാൻ വന്നയാളാണ്.