ന്യൂഡൽഹി : പഹൽഗാം ഭീകരാക്രമണം, ഓപ്പറേഷൻ സിന്ദൂർ എന്നീ വിഷയങ്ങളിലുള്ള ചർച്ച പാർലമെൻറിൽ ഇന്ന് നടക്കും .ഇരുസഭയിലും 16 മണിക്കൂർ വീതമാണ് ചർച്ചയ്ക്കായി സമയം നീക്കിവച്ചിരിക്കുന്നത്. പ്രതിപക്ഷത്തിന്റെ ആവശ്യം മാനിച്ചാണ് ചർച്ചയ്‌ക്ക് സമയം അനുവദിച്ചിരിക്കുന്നത്.
ലോക്‌സഭയിൽ പ്രതിരോധ മന്ത്രി രാജ്നാഥ് സിംഗ് ചർച്ചയ്‌ക്ക് തുടക്കം കുറിക്കും. രാജ്യസഭയിൽ ചൊവ്വാഴ്ചയാണ് ചർച്ച ആരംഭിക്കുക. ആഭ്യന്തര മന്ത്രി അമിത് ഷാ, പ്രതിരോധമന്ത്രി രാജ്നാഥ് സിങ്, വിദേശകാര്യ മന്ത്രി എസ്. ജയശങ്കർ തുടങ്ങിയവർ സംസാരിക്കും .പ്രധാനമന്ത്രി നരേന്ദ്രമോദിയും ചർച്ചയിൽ പങ്കെടുക്കുമെന്നാണ് പ്രതീക്ഷിക്കുന്നത്.
