ഗ്രൈന്ററിൽനിന്ന് ഷോക്കേറ്റ് വീട്ടമ്മ മരിച്ചു

പാലക്കാട് : പാലക്കാട് മങ്കരയിൽ ഗ്രൈന്ററിൽ നിന്ന് ഷോക്കേറ്റ് വീട്ടമ്മ മരിച്ചു.മഞ്ഞക്കര കല്ലിങ്കൽ കെ.ജി.കൃഷ്ണദാസിന്റെ ഭാര്യ ശുഭബായി (50) ആണ് മരിച്ചത്.ഇന്നലെ രാത്രി 9 നാണ് സംഭവം.അപകടസമയത്ത് ശുഭബായി മാത്രമാണ് വീട്ടിൽ ഉണ്ടായിരുന്നത്.വീട്ടിൽ എത്തിയ ഭർത്താവ് ബോധമില്ലാതെ കിടന്ന ശുഭബായിയെ കണ്ട് ഉടൻ തന്നെ സ്വകാര്യ ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല .