കൊച്ചി : ശബരിമലയിൽ പതിനെട്ടാംപടിയിൽ തിരിഞ്ഞു നിന്നുകൊണ്ട് പൊലീസുകാർ നടത്തിയ ഫോട്ടോഷൂട്ട് വിവാദമായതിന് പിന്നാലെ പോലീസ് ഉദ്യോഗസ്ഥർക്കെതിരെ നടപടിയെടുക്കും . എസ്എപി ക്യാംപിലെ 23 പൊലീസുകാരെ നല്ലനടപ്പ് പരിശീലനത്തിന് കണ്ണൂരിൽ കെഎപി ക്യാമ്പിൽ അയയ്ക്കാനാണ് തീരുമാനം. ഇതുമായി ബന്ധപ്പെട്ട റിപ്പോര്‍ട്ട് എഡിജിപി എസ്‍.ശ്രീജിത്ത് വ്യാഴാഴ്ച്ച ഹൈക്കോടതിയില്‍ സമര്‍പ്പിക്കും.
തിങ്കളാഴ്ച്ച സന്നിധാനം ചുമതലയൊഴിഞ്ഞ പോലീസുകാര്‍ പതിനെട്ടാം പടിയില്‍ പിന്തിരിഞ്ഞുനിന്ന് ഫോട്ടോ എടുത്തത് വിവാദമായിരുന്നു.തുടര്‍ന്ന് ഹൈക്കോടതി ഇടപെട്ട് എഡിജിപിയോട് വിശദീകരണം ചോദിക്കുകയായിരുന്നു.
