രാമചന്ദ്രന് വിട നൽകി ജന്മനാട്

കൊച്ചി : പഹൽ​​ഗാം ഭീകരാക്രണത്തിൽ ജീവൻ നഷ്ടപ്പെട്ട എൻ .രാമചന്ദ്രന് കണ്ണീരോടെ ജന്മനാട് വിട നൽകി .കൊച്ചി ചങ്ങമ്പുഴ പാർക്കിൽ ഗവര്‍ണര്‍ രാജേന്ദ്ര അര്‍ലേക്കര്‍,ഗോവ ഗവര്‍ണര്‍ പി.എസ്. ശ്രീധരന്‍പിള്ള, കേന്ദ്രമന്ത്രി സുരേഷ് ​ഗോപി, മന്ത്രിമാരായ എ.കെ. ശശീന്ദ്രന്‍, പി. രാജീവ്, ജസ്റ്റിസ് ദേവന്‍ രാമചന്ദ്രന്‍, പ്രതിപക്ഷനേതാവ് വി.ഡി. സതീശന്‍ തുടങ്ങി നൂറുകണക്കിനാളുകൾ ആദരാഞ്ജലി അർപ്പിച്ചു .ഭാരത് മാതാ കീ ജയ് വിളികളോടെയാണ് കുടുംബം രാമചന്ദ്രന് അന്ത്യ‍ഞ്ജലി അർപ്പിച്ചത്.വീട്ടിലെ അന്ത്യകർമ്മങ്ങൾക്ക് ശേഷം മൃതദേഹം ഇടപ്പള്ളി പൊതു ശ്മശാനത്തില്‍ എത്തിച്ചു. പൂർണ ഔദ്യോഗിക ബഹുമതികളോടെയായിരുന്നു സംസ്കാരം.