തിരുവനന്തപുരം: റേഷൻ വ്യാപാരികൾ സമരത്തിലേക്ക് നീങ്ങുന്നു. നിയമസഭാ മാർച്ച് കൊണ്ട് പരിഹാരമായില്ലെങ്കിൽ നവംബർ 1 മുതൽ താലൂക്ക് കേന്ദ്രങ്ങളിൽ അനിശ്ചിതകാല സത്യാഗ്രഹം നടത്തുമെന്ന് ഓൾ കേരള റീടെൽ റേഷൻ ഡീലേഴ്‌സ്‌ അസോസിയേഷൻ സംസ്ഥാന പ്രസിഡന്റ്റ് ജോണി നെല്ലൂർ.
നിയമസഭാ മാർച്ച് ഒക്ടോബർ 7 ന് നടത്താനിരിക്കെയാണ് പുതിയ പ്രഖ്യാപനം. റേഷൻ വ്യാപാരികളോടുള്ള സർക്കാർ അവഗണനയിൽ പ്രതിഷേധിച്ചാണ് നടപടി. വേതന പാക്കേജ് പരിഷ്കരിക്കുന്നത് ഉൾപ്പടെയുള്ള ആവശ്യങ്ങൾ നടപ്പാക്കാത്തതിലാണ് പ്രതിഷേധം സംഘടിപ്പിക്കുന്നത്.
