തിരുവനന്തപുരം: സപ്ലൈകോയുടെ ജില്ല ഓണം മെഗാ ട്രേഡ് ഫെയറിന്റെ ഉദ്ഘാടനം മന്ത്രി അനൂപ് ജേക്കബ് നിര്‍വഹിച്ചു. മന്ത്രി സി.പി. ജോണ്‍ അധ്യക്ഷനായി. മന്ത്രി കെ. മുരളീധരന്‍ ആദ്യ വില്പന നിര്‍വഹിച്ചു. ശശി തരൂര്‍ എംപി, മേയര്‍ വി.വി. രാജേഷ് എന്നിവര്‍ വിശിഷ്ടാതിഥികളായി.
ഓണക്കാലത്ത് മിതമായ വിലയില്‍ ഉത്പന്നങ്ങള്‍ നലകുന്നതിനു പുറമെ മികച്ച ഒരു ഷോപിങ് അനുഭവം കൂടി ഉപഭോക്താവിന് നലകുന്നതാണ് സപ്ലൈകോ ഓണം മെഗാ ട്രേഡ് ഫെയര്‍. കോഴിക്കോട്, തിരുവനന്തപുരം, എറണാകുളം ജില്ലകളിലാണ് മെഗാ ട്രേഡ് ഫെയര്‍ സംഘടിപ്പിക്കുന്നത്. ആഗസ്ത് 25 വരെ രാവിലെ 10 മുതല്‍ വൈകിട്ട് 9 വരെ ആയിരിക്കും മെഗാ ട്രേഡ് ഫെയറുകള്‍ പ്രവര്‍ത്തിക്കുക.
മറ്റു 11 ജില്ലകളില്‍ പ്രധാന സ്ഥലങ്ങളില്‍ സപ്ലൈകോയുടെ ജില്ലാ ഫെയറുകള്‍ സംഘടിപ്പിക്കും. ജില്ലാ ഫെയറുകള്‍ ഓഗസ്റ്റ് 14ന് തുടങ്ങി 25ന് അവസാനിക്കും. എല്ലാ നിയോജകമണ്ഡലങ്ങളിലും സപ്ലൈകോ ഫെയറുകള്‍ ആഗസ്ത് 21 മുതല്‍ 25 വരെ നടത്തും.
