തിരുവല്ല : കളഞ്ഞുകിട്ടിയ സ്വർണമടങ്ങിയ പേഴ്സ് ഉടമക്ക് തിരിച്ചുനൽകി യുവതി മാതൃകയായി. ശനിയാഴ്ച്ച പൊടിയാടിയിലെ പെട്രോൾ പമ്പിൽ വച്ച് തലവടി സ്വദേശിനിയായ രഞ്ജനി ജി നായരുടെ സ്വർണ്ണവും പണവും എ ടി എം കാർഡും ഉൾപ്പെട്ട പേഴ്സ് ആണ് നഷ്ടമായത്.
തുടർന്ന് ഇത് കിട്ടിയ നിരണം സ്വദേശിനി ജിഷ, പേഴ്സ് പുളിക്കീഴ് പോലീസ് സ്റ്റേഷനിൽ ഏൽപ്പിച്ചു. വിവരം അറിയിച്ചതിനെ തുടർന്ന് രഞ്ജിനി സ്റ്റേഷനിലെത്തി എസ് ഐ കെ സുരേന്ദ്രന്റെ സാന്നിധ്യത്തിൽ ജിഷയിൽ നിന്നും പേഴ്സ് കൈപ്പറ്റി.
