പത്തനംതിട്ട : കഴിഞ്ഞ ദിവസങ്ങളിൽ പെയ്ത ശക്തമായ മഴയെ തുടർന്ന് കക്കി – ആനത്തോട് ഡാമിൽ ജലനിരപ്പ് ഉയരുന്നതിനാൽ ഡാമിൻറെ മൂന്ന് ഷട്ടറുകൾ തുറന്നു. രണ്ടും മൂന്നും ഷട്ടറുകൾ 45 സെ.മീറ്റർ വീതം നേരത്തെ ഉയർത്തിയിരുന്നു. ഇന്ന് (ഓഗസ്റ്റ് 18 തിങ്കൾ) രാവിലെ 10 നാണ് ഒന്നാമത്തെ ഷട്ടറും 30 സെ.മീറ്റർ ഉയർത്തിയത്.
സ്ഥിതിഗതികൾ വിലയിരുത്തിയശഷം ഇന്ന് (ഓഗസ്റ്റ് 18 തിങ്കൾ) ഉച്ചകഴിഞ്ഞ് ഡാമിൻറെ നാലാമത്തെ ഷട്ടറും തുറക്കും. ഡാമിൽ നിന്ന് ഉയർന്ന തോതിൽ ജലം പുറത്തേക്ക് ഒഴുകുന്നതിനാൽ കക്കാട്ടാറിന്റെയും പമ്പയാറിന്റെയും ഇരുകരകളിൽ ഉള്ളവരും പൊതുജനങ്ങളും ജാഗ്രത പാലിക്കേണ്ടതും ഏതു സാഹചര്യത്തിലും നദിയിൽ ഇറങ്ങുന്നത് ഒഴിവാക്കേണ്ടതുമാണ്.
