ശബരിമല : തുലാമാസ പൂജയ്ക്കായി ശബരിമല അയ്യപ്പ ക്ഷേത്രനട 17നു വൈകിട്ട് 5.30 -ന് തുറക്കും. തന്ത്രി കണ്ഠര് ബ്രഹ്മദത്തന്റെ കാർമികത്വത്തിൽ മേൽശാന്തി ഇ ഡി പ്രസാദ് നമ്പൂതിരി നട തുറന്ന് ദീപം തെളിയിക്കും. 18മുതൽ 22 വരെ പൂജകൾ ഉണ്ടാകും. എല്ലാദിവസവും ഉദയാസ്തമനപൂജ, പടിപൂജ, കളഭാഭിഷേകം, പുഷ്പാഭിഷേകം എന്നിവ ഉണ്ടാകും. മഹാനവമി, വിജയദിശമി ദിവസങ്ങളിലും നട തുറന്നിരിക്കും.
പുതിയ മേൽശാന്തിമാരെ കണ്ടെത്തുന്നതിനുള്ള നറുക്കെടുപ്പ് 18നു രാവിലെ 7.30-ന് നടക്കും. ആദ്യം ശബരിമല പിന്നീട് മാളികപ്പുറം മേൽശാന്തിമാരെയാണ് നറുക്കെടുപ്പിലൂടെ തെരഞ്ഞെടുക്കുക. പൂജകൾ പൂർത്തിയാക്കി 22-ന് രാത്രി പത്തിന് ഹരിവരാസനം പാടി നട അടയ്ക്കും.
