പാലക്കാട് : കൊല്ലങ്കോട് വാഴപ്പുഴയിൽ കമ്പിവേലിയിൽ പുലി കുടുങ്ങി.നാല് വയസ് പ്രായം തോന്നിക്കുന്ന പെൺപുലിയാണ് കുടുങ്ങിയത്.വാഴപ്പുഴ സ്വദേശി ഉണ്ണികൃഷ്ണൻ്റെ പറമ്പിലാണ് സംഭവം. ഇടുപ്പിന്റെ ഭാഗം കമ്പിവേലിയിൽ കുടുങ്ങിയ പുലിക്ക് പരുക്കുകളുണ്ടെന്നാണ് സൂചന. വിവരം അറിയിച്ചതിന് പിന്നാലെ വനംവകുപ്പ് സ്ഥലത്തെത്തി.
പുലിയെ മയക്കുവെടി വച്ച് പിടികൂടി കാട്ടിലേക്ക് തിരികെ വിടാനാണ് വനംവകുപ്പിന്റെ തീരുമാനം.പ്രദേശത്ത് അടുത്ത കാലത്തായി പുലിയുടെ ശല്യം ഉണ്ടായിരുന്നുവെന്ന് നാട്ടുകാര്‍ പറയുന്നു.
