അടൽ ബിഹാരി വാജ്പേയിയുടെ നൂറാം ജന്മവാർഷിക ദിനം ഇന്ന്

ന്യൂഡൽഹി : ഇന്ന് മുൻ പ്രധാനമന്ത്രി അടൽ ബിഹാരി വാജ്പേയിയുടെ നൂറാം ജന്മവാർഷിക ദിനം .സുശാസൻ ദിവസ് അഥവാ ഗുഡ് ഗവേർണൻസ് ഡേ ആയാണ് രാജ്യം അദ്ദേഹത്തിന്റെ ജന്മദിനം ആഘോഷിക്കുന്നത്.ഡൽഹിയിലെ സദൈവ് അടൽ സ്മാരകത്തിൽ പ്രധാനമന്ത്രി നരേന്ദ്ര മോദി പുഷ്പാഞ്ജലി അർപ്പിച്ചു.രാജ്യത്തിൻറെ പുരോ​ഗതിയുടെ വഴികാട്ടിയാണ് അടൽ ബിഹാരി വാജ്പേയിയെന്ന് പ്രധാനമന്ത്രി എക്സിൽ കുറിച്ചു. രാഷ്‌ട്രപതി ദ്രൗപദി മുർമു, കേന്ദ്ര ആഭ്യന്തര മന്ത്രി അമിത് ഷാ, ഉപരാഷ്‌ട്രപതി ജ​ഗ്ദീപ് ധൻകർ, ബിജെപി ദേശീയ അദ്ധ്യക്ഷൻ ജെ പി നദ്ദ എന്നിവരും അടൽ സ്മാരകത്തിൽ ആദരം അർപ്പിക്കാനെത്തി.