പത്തനംതിട്ട: കലഞ്ഞൂർ വലിയപള്ളിക്ക് സമീപം ലോറിയും കാറും കൂട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു. സുന്ദർ രാജ്, മകളായ ജനനി എന്നിവരാണ് മരിച്ചവത്. ആലുവ സ്വദേശിയായ പ്രണവും കുടുംബവുമാണ് അപകടത്തിൽ പെട്ടത്. ഇവർ തമിഴ്നാട്ടിലാണ് സ്ഥിരതാമസം. പരിക്കേറ്റ ജനനിയുടെ സഹോദരനെ തിരുവനന്തപുരം മെഡിക്കൽ കോളേജിലേക്ക് മാറ്റി.
പ്രണവ് പുനലൂർ ആശുപത്രിയിൽ ചികിത്സയിലാണ്. തമിഴ്‌നാട്ടിൽ നിന്ന് കച്ചി കയറ്റി വന്നതായിരുന്നു ലോറി. പുലർച്ചെ നാലുമണിയോടെയാണ് അപകടം നടന്നത്. ലോറിയിലുണ്ടായിരുന്നവർക്കും പരുക്കുണ്ട്. ഫയർഫോഴ്സ് സ്ഥലത്തെത്തി ലോറി ഉയർത്തുകയും മറ്റ് ക്രമീകരണങ്ങൾ ഏർപ്പെടുത്തുകയും ചെയ്തു.
