ആലപ്പുഴ: വിജ്ഞാന ആലപ്പുഴ മെഗാതൊഴിൽമേളയുടെ വേദിയിൽ രജിസ്ട്രേഷൻ നടപടികൾ വേഗത്തിലാക്കാൻ വാർ റൂം സജ്ജീകരിച്ച് ജില്ലാ പഞ്ചായത്ത്. തിരക്ക് കൂടിയതോടെ തൊഴിൽമേളയുടെ സുഗമമായ നടത്തിപ്പിനായാണ് രജിസ്ട്രേഷൻ നടപടികൾ അതിവേഗത്തിലാക്കാൻ വാർറൂം സജ്ജികരിച്ചത്. 20 ടീമുകളായി തിരിഞ്ഞ ഉദ്യോഗസ്ഥർ വാർ റൂമിലെത്തിയ ഉദ്യോഗാർത്ഥികളുടെ വിവരങ്ങൾ വേഗത്തിൽ സ്വീകരിച്ച് രജിസ്ട്രേഷൻ നടപടികൾ പൂര്ത്തിയാക്കി.
കോളേജ് പരിസരത്ത് മുൻകൂട്ടി തയ്യാറാക്കിയ രജിസ്ട്രേഷൻ കൗണ്ടറുകളിൽ തിരക്കുമൂലം രജിസ്ട്രേഷൻ നടപടികൾ വൈകിയതോടെ അവസരം നഷ്ടപ്പെടുമെന്ന് ഭയന്ന ഉദ്യോഗാർഥികൾക്ക് വാർറൂമിലൂടെ വേഗത്തിൽ രജിസ്ട്രേഷൻ നടപടികൾ പൂർത്തിയാക്കാനും അഭിമുഖങ്ങളിൽ പങ്കെടുക്കാനുമായി.
