നെടുമ്പ്രത്ത് ഓണം സഹകരണ വിപണി തുറന്നു

തിരുവല്ല : നെടുമ്പ്രം A 205 ആം നമ്പർ സർവീസ് സഹകരണ ബാങ്കിന്റെ നേതൃത്വത്തിൽ ആരംഭിച്ച ഓണം സഹകരണ വിപണിയുടെ ഉദ്ഘാടനം നെടുമ്പ്രം ഗ്രാമ പഞ്ചായത്ത് പ്രസിഡന്റ് റ്റി പ്രസന്നകുമാരി  നിർവഹിച്ചു. ബാങ്ക് വർക്കിംഗ് പ്രസിഡന്റ് രാധമ്മ അശോകൻ അദ്ധ്യക്ഷനായി. സെക്രട്ടറി സരിത , ജലജ ബാലചന്ദ്രൻ ,നെടുമ്പ്രം ഗ്രാമ പഞ്ചായത്ത്‌ വികസന സ്റ്റാൻഡിംഗ് കമ്മിറ്റി ചെയർപേഴ്സൺ ഷേർലി ഫിലിപ്പ് , ഡയറക്റ്റർ ബോർഡ് അംഗവും ബ്ലോക്ക് പഞ്ചായത്ത് മെമ്പർ ബിനിൽ കുമാർ, ഡയറക്ടർ ബോർഡ് രാധാ പി, സഹകാരികൾ എന്നിവർ പങ്കെടുത്തു. സെപ്തംബർ 4 വരെ വിപണി പ്രവർത്തിക്കും. 17 ഇനം നിത്യോപയോഗ സാധനങ്ങൾ സബ്‌സിഡി നിരക്കിൽ ലഭിക്കും.