ശ്രീനഗർ : ജമ്മു കശ്മീരിലെ കുൽഗാമിൽ ഭീകരരുമായുള്ള ഏറ്റുമുട്ടലിൽ രണ്ട് സൈനികർക്ക് വീരമൃത്യു.ഓപ്പറേഷൻ അഖലിന്റെ ഭാഗമായി നടന്ന തെരച്ചിലിനിടെയാണ് ലാൻസ് നായ്ക് പ്രിത്പാൽ സിങ്, ശിപായ് ഹർമിന്ദർ സിങ് എന്നിവർ വീരമൃത്യു വരിച്ചത്. രണ്ട് സുരക്ഷാ ഉദ്യോഗസ്ഥർക്ക് കൂടി പരിക്കേറ്റിട്ടുണ്ട്. സൈന്യത്തിൻ്റെ ചിനാൽ കോർപ്സിൽ ഭാഗമായിരുന്ന സൈനികരാണ് മരിച്ചത് .
കശ്മീർ വനമേഖലയിൽ ഭീകരരുടെ സാന്നിധ്യമുണ്ടെന്ന രഹസ്യവിവരത്തിന്റെ അടിസ്ഥാനത്തിലാണ് പ്രദേശത്ത് തെരച്ചിൽ നടന്നത്. ലഷ്കർ ഇ ത്വയ്ബ ഭീകരരാണ് വനമേഖലകളിൽ ഒളിച്ചിരിക്കുന്നതെന്നാണ് വിവരം.സൈനികരുടെ ധൈര്യവും ആത്മസമർപ്പണവും എന്നെന്നും പ്രചോദിപ്പിക്കുമെന്ന് സൈന്യം ഔദ്യോഗിക ട്വിറ്റർ ഹാന്റിലിൽ കുറിച്ചു.ഭീകരരെ കണ്ടെത്തുന്നതിനായി തെരച്ചിൽ ശക്തമാക്കിയിട്ടുണ്ട്.
