തിരുവല്ല : മാലിന്യരഹിതമായ അന്തരീക്ഷം ഉറപ്പാക്കുന്നതിന് സംസ്ഥാന സർക്കാർ നടപ്പിലാക്കുന്ന മാലിന്യ മുക്ത നവകേരളം ജനകീയ ക്യാമ്പ് പെരിങ്ങര ഗ്രാമപഞ്ചായത്തിൽ തുടക്കമായി. പഞ്ചായത്തിലെ എല്ലാ വിദ്യാലയങ്ങളും ഹരിത വിദ്യാലയങ്ങൾ ആക്കുന്ന പ്രവർത്തനങ്ങൾക്ക് തുടക്കമായത്. വേങ്ങൽ ആലംതുരുത്തി ഗവ എൽ പി സ്കൂളിൽ പെരിങ്ങര പഞ്ചായത്ത് പ്രസിഡണ്ട് എബ്രഹാം തോമസ് ഉദ്ഘാടനം നിർവഹിച്ചു. വൈസ് പ്രസിഡണ്ട് ഷീന മാത്യു അധ്യക്ഷത വഹിച്ചു.
യോഗത്തിൽ ജനപ്രതിനിധികൾ, രാഷ്ട്രീയ സാമൂഹ്യ സംസ്കാരിക രംഗത്തെ പ്രതിനിധികൾ, ആശാവർക്കർമാർ, ഹരിത കർമ്മ സേന പ്രവർത്തകർ, സന്നദ്ധ സംഘടന പ്രവർത്തകർ, സ്കൂൾ കുട്ടികൾ, അധ്യാപകർ, തൊഴിലുറപ്പ് പ്രവർത്തകർ, കുടുംബശ്രീ പ്രവർത്തകർ, ആരോഗ്യ പ്രവർത്തകർ, പഞ്ചായത്ത് സെക്രട്ടറി, പഞ്ചായത്ത് സ്റ്റാഫുകൾ എന്നിവർ പങ്കെടുത്തു.
പഞ്ചായത്തിലെ ഹോമിയോപ്പതി ഡിസ്പെൻസറിയിൽ എത്തുന്ന രോഗികൾക്ക് മരുന്നുകൾ ഇട്ടു നൽകുന്നതിനായി പഞ്ചായത്ത് തയ്യാറാക്കിയ ബയോ ബാഗുകൾ ഡോ. ജയചന്ദ്രന് നൽകി നിർവഹിച്ചു.
